Родителите на загинатите најгневни на газдата Деко, го нарекоа монструм и парољубец
Во судницата во Идризово денеска почна судењето за пожарот што се случи на 16 март годинава и во кој загинаа 63 лица, меѓу кои и деца, а над 200 беа повредени.
Судијката Диана Груевска-Илиевска, која ќе претседава со Судечкиот совет, ќе ја има една од најтешките задачи – да ја увери јавноста дека судењето кое, во секој случај, ќе биде траорно, мачно и долго, ќе биде правично и транспарентно. Судот ќе биде прв на тест на јавноста дали ќе ја премине линијата меѓу утврдување на вистинската одговорност наспроти „жедта за крв“, односно дали ќе донесе аргументирана судска одлука што ќе одговори на очекувањата и на јавноста и на правната фела.
Родители и блиски на загинатите во кочанската трагедија уште рано утрово беа собрани пред судницата во најголемиот затвор во Идризово.
Родителите на загинатите се најгневни на сопственикот на дискотеката Дејан Јованов -Деко и неговиот син. Јованов беше донесен од притвор од Куманово, а родителите го нарекуваат монструм и парољубец.
На судењето се присутни повеќе од 50 родители на загинатите во пожарот и 30-ина домашни медиуми. Акредитирани се и странски медиуми како БМТ, ТРТ, Франспрес, Ројтерс, Асошиејтед прес, Андалузија и други.
Во судницата во Идризово денеска почна судењето за пожарот што се случи на 16 март годинава и во кој загинаа 63 лица, меѓу кои и деца, а над 200 беа повредени.
Судницата во близина на затворот „Идризово“ е под засилени безбедносни протоколи, а семејствата на жртвите пристигнуваат за да ја слушнат вистината која ја чекаат девет месеци, при што правосудниот систем е исправен пред најтешкиот тест досега.
