Родителите ги бараат децата и на социјалните мрежи, во болниците хаос – нови детали за трагедијата
Телевизија Стар објави и апел за препознавање на три лица кои биле на концертот на кој се случи големата трагедија, а на социјалните мрежи кружат уште многу други фотографии од млади лица чии родители се загрижени и бараат било каква информација за нив....
Според досегашните информации, станува збор за дискотеката „Пулс“, а пожарот настанал од пиротехниката што се користела за светлечки ефекти во диско-клубот.
Страшна трагедија се случи за време на концертот на групата ДНК во Кочани, кога се запали дискотеката и однесе десетици жртви.
Како што пренесуваат медиумите, станува збор за дискотеката „Пулс“, а пожарот настанал од пиротехника што се користела.
Како што објави штипската телевизија Стар (повеќе детали тука), според неофицијални податоци, од 50 до 100 лица го изгубиле животот, а голем број повредени се пренесени во болницата во Кочани, но и во останатите болници во Македонија.
Принтскрин/ Социјални мрежи
Цело време со хеликоптер се пренесуваат повредени лица кои се во тешка состојба во болницата во Штип, но и во болницата 8. Септември во Скопје. И во двете болници е голема гужва, многумина ги бараат своите најблиски, а своите деца родителите ги бараат и преку социјалните мрежи.
Телевизија Стар објави и апел за препознавање на три лица кои биле на концертот на кој се случи големата трагедија.
Принтскрин/ Социјални мрежи
Нивните семејства не знаат што е со нив и во која болница се. Бараат итно било каква информација, пишува во објавата на телевизијата.
Принтскрин/ Социјални мрежи
Повеќе информации и детали ќе објавиме во текот на денот, а до тогаш се молиме за помалку жртви и поголем број спасени лица.
