Денес ќе се потсетиме на колата која што освен што самата по себе е вистинска класика во светот на автомобилите, исто така е и избор на нас, вработените во Stipka.com.mk, за официјална и службена кола на редакцијата.
Сите оние од вас кои го имаат гледано филмот “Gone in 60 seconds” со Николас Кејџ и Анџелина Џоли, ќе се присети на убавата Елеонор, последната „девојка“ од 50-тината коли кои јунаците во филмот ги крадат. А Елеонор беше врвот, или како што би рекле Америте – црешката на врвот!
Значи, станува збор за најпознатиот спортски модел кој излегол од фабриките на Хенри Форд, а тоа е Ford Mustang Shelby GT500, од 1967 година.
Прв пат во ваков формат (читај: ваква шминка), именуван како Елеонор, се појавува токму за потребите на филмот „Исчезнати за 60 секунди“ од 1973 г. и потоа за споменатиот римејк со Николас Кејџ во 2000-та. И токму после римејкот, почнаа повторно да се јавуваат барања за овој ѕвер од два тона.
Има 7.0. литарски мотор кој има силина од 600 коња, функционира со 5 степенски менувач на брзини, тенкот за гориво му е 80 литри, а за тоа колку троши, подобро воопшто и да не споменуваме, затоа што изгледа дека токму сега нашиот уредник ги крши копјата околу тоа дали на своите драги вработени да им ја исполни оваа желбичка. Па така…
Погледнете ја оваа убавица по име Елеонор.
