Сезоната на зимница е во полн ек, а еден рецепт особено ги освојува домаќинките – џем од сливи со „тајна“ состојка, односно, со црна чоколада!
Овој кремаст десерт е совршен за појадок со препечен тост, а ако го намачкате врз палачинки, бидете сигурни дека секој што ќе проба ќе ви побара уште една тура!
Рецептот што ви го носиме е за количина од околу 3 тегли.
Време на подготовка е 15-20 минути. Време на готвење: 2 часа
Состојки:
5 кг сливи
2,5 кг шеќер
300 г црна чоколада за готвење
За уште побогат вкус, може да додадете малку рум. Но внимавајте, не премногу рум зашто инаку не би бил погоден и за деца.
Подготовка:
1. Подготовка на сливите
Измијте ги зрелите сливи и извадете ги коските, но не ги лупете. Смелете ги во машина за месо или во блендер за да добиете густа кашеста смеса.
2. Додавање шеќер
Измешајте ги сливите со шеќерот и ставете ја смесата во длабок плех или во голем сад отпорен на топлина.
3. Печење во рерна
Вклучете ја рерната на висока температура и ставете го садот да се крчка. Промешајте на секои 15 минути. По еден час проверете, ако смесата не е доволно густа, оставете ја уште околу половина час.
4. Додавање чоколада
Извадете го садот од рерна и во жешката смеса додадете ја искршената чоколада. Промешајте додека целосно се стопи и се соедини со џемот.
5. Полнeње во тегли
Стерилизирајте тегли со капаци, наполнете ги со млакиот џем и вратете ги уште кратко во рерна за да се создаде тенка коричка.
6. Последен чекор
Оставете ги теглите да преноќат во рерна, а следниот ден добро затворете ги и чувајте ги на студено и темно место.
Овој невообичаен џем од сливи со чоколада е толку вкусен што ќе ве потсети на најдобрите кремови за мачкање од детството, а можеби ќе ви се допадне повеќе и од Нутела.
