Рецепт за вкусна пита со спанаќ, морков и јогурт – нешто што мора да го пробате!
Подгответе ја оваа вкусна пита за појадок или вечера и уживајте со вашите сакани.
Потребни состојки:
- 1/2 килограм тенки кори
- 2 јајца
- 1/2 килограм спанаќ
- 1-2 чешниња лук
- 1 морков
- 200 грама сирење
- Сол, бибер
- Масло
- 1/2 прашок за пециво
- 100 милилитри јогурт
Начин на подготовка:
Изматете ги јајцата, па додајте го сирењето и малку јогурт, па потоа половина прашок за пециво, и сето ова добро соединете го. На масло запржете го лукот и додајте го ситно исечканиот морков. Ставете сол и бибер. Во пржениот лук додајте малку фил од јајца и сирење 1/4. Обложете со хартија за печење еден мал сад, а во неа прво ставете кора, така што краевите од кората ќе бидат издигнати нагоре над садот. На дното ставете малку од филот со јајца и сирење.
Раширете кора на масата, ставете малку масло, па потоа премачкајте со 2 лажички спанаќ, свиткајте ги краевите, завијте ја кората и ставете ја во претходно подготвениот сад за печење. Така продолжете и со другите кори, а преку нив премачкајте со фил од јајца. На крај преклопете со кората што е издигната над садот, па премачкајте со останатиот фил и печете во рерна на 200 степени, околу 40 минути.
Добар апетит!
