Наместо да ги купувате енергетските плочки кои можат да бидат скапи, а притоа и да содржат нездрави состојки кои можат да ви ја нарушат здравата диета, можете да си ги направите сами и секогаш кога ќе посакате да си имате при рака!
Еве еден одличен рецепт.
Енергетските плочки се идеална ужинка секогаш кога ќе ви се пријаде нешто, а немате време да правите или купите. На сите кои вежбаат одлично ќе им дојдат пред тренинг.
ПОТРЕБНИ СОСТОЈКИ:
– 1 шолја путер од бадеми
– 85 гр. протеински прашок од ванила
– 1/2 шолја јаворов сируп
– 2 јајца
– 2 шолји овесни снегулки без глутен
– 1/2 шолја кокос
– 1 чајна лажичка прашок за пециво
ПОДГОТОВКА:
Загрејте ја рерната на 175 степени. Обложете го плехот за печење со хартија или испрскајте спреј за печење. Во соодветен сад со миксер измешајте го путерот од бадеми, протеинскиот прашок и јаворовиот сируп, па потоа додадете ги јајцата. Промешајте, па додадете ги овесните снегулки, кокосот и прашокот за пециво. Мешајте додека не добиете воедначена смеса.
Сипете го тестото во плехот и убаво притиснете го со рацете па ставете го да се пече околу 10-15 минути додека не добие благо кафеава боја. Кога ќе биде готово оставете го да се излади и исечете плочки во саканата големина. Чувајте ги плочките во затворен сад.
