Зимница за 20 минути: Најбрзиот начин за подготвување подлучени пиперки (Рецепт)

Без напорно печење и лупење пиперки. Кога еднаш ќе пробате – постојано ќе сакате да ги подготвувате!

Потребни состојки: (сите по ваш вкус)

• Лук
• Сол
• Зејтин
• Оцет
• Црвени пиперки

Начин на подготовка: Во исчистените пиперки ставете по една лажичка сол и редете ги во сад. Ставете ги во загреана рерна, но не да се испечат, туку само малку „да паднат“, и тоа околу 10 минути. Оставете ги малку да се оладат. Во една чинија ставете исечкан лук и прелијте го со зејтин и оцет по вкус, па промешајте. Редете ги пиперките во тегли или пластични садови ако планирате да ги јадете во наредните неколку денови, па прелијте ги со мешавината од лук, па така повторувајте додека не останете без состојките. Притиснете ги добро и оставете ги малку да постојат, но не затворувајте ги. Кога ќе пуштат вода само исцедете ги и затворете ги.