За денешниов ручек ви предложуваме да го испробате овој рецепт.
Потребни состојки:
- 3 средни тиквички
- 1 главичка кромид
- Половина килограм мелено месо (мешано)
- Маслиново масло
- Сол
- Бибер
- 1 јајце
- Сирење по желба
- Говедски гулаж
Начин на подготовка: Ситно исечкајте го кромидот, запржете го, а потоа додајте го меленото месо. На сето ова одајте вода и зачинете со сол и бибер. Додека месото се пржи, добро измијте ги тиквичките, прсечете ги на половина (а ако се поголеми слободно сечете ги на четвртина), па издлабете ги со голема лажичка, ставајќи ја смесата од тиквичките во посебен сад. Потоа ставете ги тиквичките во претходно намачкан сад со маслиново масло. Премачкајте ги и нив со маслиново масло, а по желба може да ставите и некои зачини, па потоа оставете ги да се печат од 20 до 30 минути, на 200 степени целзиусови.
Смесата која ја извадивте од самите тиквички ставете ја во прженото мелено месо, а по желба може да додадете и тврдо сирење. Испечените тиквички полнете ги со смесата, а потоа во садот додајте малку говедски гулаж. Печете ги уште 15-тина минути. Кога ќе видите дека тиквичките добиле убава румена боја, извадете ги и послужете ги.
Добар апетит!
