Рецепт на денот: Богата посна торта со шампињони

Време е да ја испробате оваа посна солена торта.

Потребни состојки:

• 1 пакување кори за солена торта
• Половина маргарин
• 150 грама ајвар
• 150 грама посен димен кашкавал
• 300 грама шампињони
• Малку спанаќ
• 6 лажички густин

Начин на подготовка: Сварете половина литар вода со 6 лажички густин и малку сол. Кога ќе се олади, изматете половина маргарин и поделете ја смесата на три дела. Во првиот дел додајте 150 грама ајвар, во вториот 150 грама рендан кашкавал, а во третиот 300 грама шампињони. Посебно сварете малку спанаќ и помешајте со малку брашно. Редете наизменично од секоја смеса врз корите. Уживајте!