Рајот е во оваа бања – македонскиот Памуккале што лекува и тело и дух, со природна сулфурна вода
Силната концентрација на сулфуроводород ја ставаат Косоврашката бања меѓу најквалитетните бањски извори во Европа, рамо до рамо со прочуените Ахенски извори во Германија.
Само неколку километри пред да влезете во Дебар, се крие место каде природата опива, а телото оздравува – селото Косоврасти. Скриено на јужните падини на планината Дешат, до самите води на реката Радика и покрај величественото Дебарско Езеро, Косоврасти нуди многу повеќе од само природна убавина. Тоа е дом на една од најлековитите бањи на Балканот – Бања Косоврасти.
Advertisement
View this post on Instagram
Вода со моќ на лек
Со температура од 48°C, богата со сулфур, натриум, калциум, магнезиум и дури и ретки елементи како литиум и флуор, оваа вода не само што ја загрева душата, туку и лекува бројни заболувања.
Силната концентрација на сулфуроводород ја ставаат Косоврашката бања меѓу најквалитетните бањски извори во Европа, рамо до рамо со прочуените Ахенски извори во Германија.
Со векови се користи за лекување на ревматски болести, кожни проблеми, гинеколошки тегоби, воспаленија на дишните патишта, дијабетес и заболувања на жолчката и бубрезите.
Медицински третмани и луксузен престој
Бањата располага со современ ресорт од 75 соби, со поглед кон езерото и планините. Секој гостин добива не само комфор, туку и пристап до медицински третмани под надзор на професионален тим, кој комбинира традиционални природни фактори со современа медицина.
Полн пансион, лекарски преглед и третмани – сè е вклучено во пристапни цени од 38 евра по лице, па нагоре, со попусти за деца и специјални семејни пакети.
Аква рај за сите генерации
Аква паркот е дополнителното парче рај. Со топли термални базени достапни преку целата година, бар покрај вода, сауни, парна бања, џакузи и масажи – секој ден е ден за опуштање. Аква паркот е вклучен во цената за сите што престојуваат во ресортот.
Природа за восхит и душа за полнење
Прекрасните пејзажи што го опкружуваат Косоврасти – драматичниот кањон на Радика, мирното езеро Шпилје и импресивните врвови на планината Крчин – го претвораат ова место не само во лековито прибежиште, туку и во вистинска оаза за љубителите на природата.
Сместено на само пет километри северно од Дебар, Косоврасти е лесно достапно во текот на целата година преку асфалтиран пат кој се одвојува од регионалната магистрала.
Овој скриен бисер нуди совршен простор и за релаксација и за лекување, како и за семејни викенди или кратки велнес бегства, далеку од градската врева.
Косоврасти е местото каде што топлата минерална вода лекува, а природата зборува низ легенди. Не треба да патувате до Турција за да го видите Памуккале – Македонија веќе го има своето чудо.
