Радост и гордост – Драгица Стевковска-Дракче со нежна објава за роденденот на својот внук (Фото)
Драгица Стевковска-Дракче, водителката ни е драга поради нејзината топлина во емисијата „Готвиме со Дракче“, денеска јавно ја сподели својата среќа. На социјалните мрежи таа објави фотографија од својот внук Андреј, по повод неговиот роденден, придружена со кратка, но исклучително емотивна порака.
„Среќен роденден, убав на баба“, напиша Дракче, а објавата веднаш предизвика лавина од честитки од нејзините следбеници и пријатели.
Advertisement
Стевковска последниве месеци се врати на малите екрани по долг и тежок период, откако се соочи со сериозни последици од несреќен пад. Таа претходно откри дека долго време не знаела дека состојбата е опасна, сè додека не се појавиле силни симптоми и нејзиното здравје драматично не се влошило.
„Не беше болест, туку пад по скали. Мислев дека ќе помине, но по две недели почнаа вртоглавици, повраќање… На првата снимка ми рекоа дека морам веднаш на кардиологија, срцето било во критична состојба“, раскажуваше водителката во свое скорошно гостување.
Подоцнежните испитувања откриле дека со месеци работела со сериозни повреди – скршено едно колено, а другото напукнато, со дополнителни проблеми со кичмата.
„Бев тежок пациент“, призна таа, објаснувајќи дека поминала низ долга терапија со инјекции, масажи и разни алтернативни третмани, сè додека конечно не застанала на нозе.
