Работи кои задолжително треба да ги дезинфицирате во вашиот дом

Без оглед на тоа колклу често ги миете рацете и се грижите за личната хигиена, не треба да заборавите и дека вирусите и бактериите може да се наоѓат и на работите кои секојдневно ги допирате.

Најдобриот начин да го спречите ширењето на коронавирусот е детално да ги миете рацете со сапун. Сепак, нема да постигнете ништо ако со чистите раце потоа веднаш го допрете телефонот, тастатурата, вратата… Еве кои работи треба да ги дезинфицирате во вашиот дом и тоа почесто.

Телефон

Кога сме сите дома, телефонот го држиме непрекинато во нашите раце. Повеќе пати имаме слушнато дека телефонот е повалкан и од тоалетот, па јасно ви е колку сме изложени на бактерии.

Површините кои често ги допираме

Дефинитивно е клучна дезинфекцијата на кваките на вратите, далечинскиот управувач и слично.

Кујнската работна површина

На неа честопати се наоѓаат торби, телефонот, клучеви… Сепак, јасно е дека ова е место каде што се подготвува храма, па затоа, треба почесто да размислувате за дезинфицирање на овие работи пред да почнете со подготовка на оброк.

Тастатура

Без оглед на тоа дали работите од дома или не, тастатурата е полна со разни вируси и бактерии. Откако ќе го исклучите компјутерот, свртете ја и протресете ја за да ја исфрлите прашината која се насобрала. Потоа, исчистете ја со воздух, па нежно избришете ја со микрофибер крпа натопена со дезинфекциско средство.