Прво станав маќеа, па мајка – во добра релација сме со бившата на сопругот, вели нашата радио водителка
- Ми открија полицистични јајници и ми рекоа дека нема шанси да останам бремена по природен пат, но се случи чудо - вели Николовска.
Зорица Николовска е радио водителка од „Радио 2,“ позната е по популарната утринска програма „Тик Так и Зорка“.
Таа во интервју во емисијата „Мамавизија“ зборува отворено и искрено за мајчинството, каде што открива дека прво станала маќеа па мајка. Зорица го сретнала сопругот Горан, адвокат, кој бил разведен со мало дете, но тоа не и претставувало никаква пречка да продолжи да се гледа со него, ниту разликата во години не била бариера за нивната љубов.
Николовска многупати досега давала интервју за тоа дека била напаѓана дека растурила брак, но во ова интервју таа раскажува подетално и ги негира овие коментари.
– Јас и мајката на Иван, мојот посинок, сме во одлични односи, ние заеднички со неа и со сопругот создадовме едно специфилно семејство, и покажавме дека може и вака одлично да функционира. Најважно е децата да се среќни. Под некакви околности се случила нивната разделба, но не сум јас пречката, никогаш не сум ни била, јас не сум растурила ништо, напротив се обидов да изградам нешто дадов се и мислам дека придонесов многу за ова семејство добро да функционира – вели таа.
Притоа, раскажува дека зли јазици постојат, но тоа не ја допира, бидејќи мирно спие, со чиста совест.
Николовска раскажува за тоа дека дома им е многу весело имаат полуматурант, прваче, мало бебе и куче.
Во интревјуто таа открива и за двете бремености коишто не и биле воопшто лесни.
– Морам да почнам од почеток, а тоа е дека мислев дека никогаш нема да станам мајка по природен пат. Ми открија полицистични јајници и ми рекоа дека нема шанси да останам бремена по природен пат. Многу тешко ми падна таа вест, а дополнитено мојот посинок, Иван, бараше братче. И покрај тоа што со сопругит знаевме дека е невозможно, мислам дека токму Иван, беше „виновникот“ јас се ослободив и се сличи чудо, го добивме Мартин, а по шест години по природен пат и Јана – раскажува таа.
Погледнете ја целата емисија на следното видео.
Таа е на трудничко од летото, кога се роди нејзината слатка ќеркичка, а сите фанови со душа чекаат да се врати на радио. Радосната вест е што официјално се знае датумот кога повторно ќе ја слушаме Зорка на радио.
