Првиот финалист од Македонија во популарното шоу ви се заблагодарува – без вас немаше да помине (видео)
Ова е голем успех за него
Беше напнато до самиот крај
Во последната емисија од „Никогаш не е доцна“ 12 кандидати се бореа да помнат директно во финалето на шоуто.
Еден од нив беше и Кире Науновски од Свети Николе, кој за жал не помина во првиот круг, но затоа во Фејсбук гласањето доби најголем број гласови од публиката така што ќе го гледаме и во финалето.
Принтскрин/ Никогаш не е доцна
Гласањето траеше до вчера на полноќ и благодарение на вашите гласови Кире ќе биде дел од големото финале во шоуто.
Беше напнато до самиот крај на гласањето, но со ваша помош Кире освои 33.8 отсто од гласовите и стана шестиот финалист.
Принтскрин/ Никогаш не е доцна
Тој веднаш по завршувањето на гласањето се огласи на социјалните мрежи и им се заблагодари на сите што гласале за него.
„Едно големо БЛАГОДАРАМ на сите искрени колеги, колешки, роднини и пријатели кои помогнаа за да бидам дел од финалето на најголемото балканско шоу Никогаш не е доцна“.
Фејсбук/ Кире Науновски
„Искрено ако не бевте вие и вашите напори да се гласа, немаше да се успее. Сепак сме мала земја. Уште еднаш големо БЛАГОДАРАМ“, напиша Кире на својот Фејсбук профил.
Фејсбук/ Кире Науновски
Потсетуваме, следната недела ќе се изберат и останатите шестмина од 12-те кандидати кои ќе се натпреваруваат во финалето.
Тие ќе дадат сé од себе да освојат една од трите титули кои се избираат од страна на публиката преку СМС гласање, преку Фејсбук и гласовите на жирито како од она што ќе биде во студиото, така и од сите останати личности, пејачки, актери и водители кои оваа сезона беа дел од шоуто и се најдоа во улога на жири.
