Прославете го животот. Прославете што сте живи

Понекогаш не е лошо да се вратите на почеток и да се потсетите зошто некоја личност ви е важна. Да ја повикате позитивната енергија, а да ја отфрлите негативната.

Потсетете се зошто сте засакале некоја личност и зошто сте се одлучиле истата да ја пуштите да влезе во вашиот живот. Кога некој ќе ви згреши нешто, најлесно е да ја спуштите ролетната пред вашите очи и да заборавите низ сето она што сте поминале заедно. Важно е да ја подигнете главата. Иако можеби уште ќе има невреме, сфатете дека понекогаш лековито е да ја накиснете вашата глава под силниот дожд, да го измиете погледот и да се сетите дека секој има свои недостатоци и тешки времиња. Обидете се да ја видите суштината, а не површината.

Важно е да не се плашите да излезете на дождот. Важно е да се потсетувате на добрата енергија и да не бидете злопамтила. Прославете го животот. Прославете што сте живи!