Прошетавме наместо вас, еве ги предлозите – „бушави“ палтенца во боја за супер расположение

Нека не ве плаши февруарското ниту мартовското време, иако се очекуваат променливи температури и секако, дождови. Не дозволувајте тоа да ви го расипе расположението.

Убавата вест е што апсолутен тренд станаа „бушавите“ палтенца и бундички во силни бои кои ќе ги најдете и во нашите продавници.

Не само што се прекрасни за очи, и не само што ќе ве стоплат, туку и штом ги облечете на себе – ќе ве расположат!

Технологијата напредна толку далеку што еко-алтернативите изгледаат толку убаво, и што е најважно, не се чувствуваат полошо од природните.

Оваа зима, „бушавите“ палтенца воодушевуваат со својата различност. Класични долги модели со широки јаки? Може. Кратки, со необични форми или со оригинални принтови кои потсетуваат на животинско крзно? Исто така се во тренд.

Доминираат во зимските колекции на повеќето луксузни модни марки. Но можат да се најдат и во колекциите на „хај стрит“ брендовите.

Ајде да разгледаме каде може да ги најдеме кај нас.

На фејсбук-страницата на Luxe Fashion Macedonia има различни привлечни моделчиња во боја, по достапни цени.

Во бутикот Стил во тц. Глобал во Струмица моментно во тек се намалувања, а има од нашите омилени модели, на пример – во црвена боја.

Убав модел на сино палтенце нуди Мода Бела.

Во нашиот омилен бутик во Лептокарија, 4U Accessories, најдовме неодолив модел на долго палто во виолетова боја, а од ум не ни излегува бушавото палтенце во црвена нијанса.

Во секогаш пријатно изненадувачкиот бутик Боди лајн (во Буњаковец) има преслатки бушави моделчиња.

Одлично се комбинираат со фармерки, но и со кожени панталони. Се носат и со каубојки и со кратки чизмички, исто како и со патики.

За уште поразигран изглед, може да ги носите со шарени здолништа, флорални фустанчиња или карирани панталони.