Пристигна најубавата вест од хип-хоп сцената – Тони стана татко по вторпат, името на малата принцеза е вистинско изненадување

Македонската хип-хоп сцена доби уште една убава вест. Раперот Тони Петковски, познат како Тони Зен, повторно стана татко. Според информациите што првично ги објави Слободен печат, семејството Петковски на 3 декември се збогати со девојче кое го доби името Дена.

Името има хебрејско потекло и се поврзува со правичност, мудрост и силна интуиција. Симболиката совршено се вклопува во емотивниот пристап што Тони Зен отсекогаш го покажувал кога станува збор за семејството. Тони и неговата сопруга Валентина се во брак од 2019 година, истата година кога го добија и првото дете, синот Јасен, кој денес има шест години.

Иако раперот ретко открива детали од приватниот живот, јавно е познато дека улогата на родител му е една од најзначајните. Со пристигнувањето на малата Дена, семејството започнува ново поглавје исполнето со радост и љубов.

Редакцијата на Гламур оваа радосна вест ја пренесува со особено задоволство, и упатува искрени честитки до семејството Петковски.