Природен раствор за отстранување штетници од градината: Најдобра, а евтина еко замена за пестициди
Домашните препарати за контрола на штетници не само што се евтини и достапни, туку и безбедни за човековото здравје и животната средина.
Во времето кога сѐ повеќе граѓани се свртуваат кон одржливо и еколошки прифатливо живеење, употребата на природни средства за заштита на растенијата станува сѐ попопуларна.
Домашните препарати за контрола на штетници не само што се евтини и достапни, туку и безбедни за човековото здравје и животната средина.
Advertisement
Она што ги прави овие природни раствори толку посебни е тоа што содржат природни состојки кои не предизвикуваат штета ниту на растенијата, ниту на луѓето, ниту на животните.
Додека традиционалните пестициди често содржат токсични хемикалии кои се апсорбираат во почвата и го загадуваат воздухот и водата, овие домашни средства се разградуваат без траги и не оставаат негативни последици врз екосистемот.
Лукот – природен заштитник на градината
Меѓу најефикасните природни средства е лукот – растение кое многу одамна се користи не само во кујната, туку и во народната медицина и природната заштита на растенијата. Неговата силна арома е вистински репелент за голем број штеточини.
Мирисот на белиот лук делува толку силно што може да избрка или дури и да уништи цели колонии инсекти од вашите билки.
За разлика од индустриските средства, инфузијата од лук има поблага миризба кога се добива со разредување, не предизвикува непријатности кај луѓето и домашните миленици и безбедно може да се користи дури и во затворен простор.
Како се подготвува овој природен раствор?
Подготовката е едноставна и бара само неколку состојки кои веќе ги имате дома:
Една средна главица лук
Неколку суви пупки каранфилче (зачин)
Две чаши ладна вода
Три литри вода за разредување
Постапка:
Изгмечете ја главицата лук заедно со сувите каранфилчиња. Прелијте ја смесата со две чаши ладна вода и оставете да отстои 24 часа. Потоа течноста се процедува и се разредува со три литри вода.
Добиениот раствор се прска великодушно по листовите и стеблата на растенијата или директно на местата каде што се појавуваат инсекти.
Овој метод може да се користи неколку пати неделно, особено во периодите кога штетниците се најактивни.
Ефикасна, безбедна и еколошка алтернатива
Со користењето на вакви природни раствори не само што го штитите својот зеленчук, овошје и декоративни билки, туку и придонесувате кон зачувување на животната средина. Природните методи не ја уништуваат биолошката рамнотежа во градината, туку помагаат да се создаде здрава и одржлива средина.
Во време кога се зголемува свеста за последиците од хемиската контаминација, се повеќе луѓе се враќаат на старите рецепти и традиционални решенија. Овој раствор од лук и каранфилче е само еден пример дека природата ни нуди се што ни е потребно – и здрава храна, и за здрава градина.
