Принцот од Хунза на гости кај Марина Дојчиновска – воодушевен е од земјата на големиот Александар Македонски
Необичен гостин...
Поранешната водителка Марина Дојчиновска овие денови имаше интересни гости дојдени од една далечна земја.
Како што и самата откри, станува збор за принцот од Хунза, Салим Кан, најстар син на Мир Газанфар Али Кан и Рани Атика.
Тие беа дојдени во Македонија, а Марина им беше домаќинка, па сподели неколку заеднички фотографии со нив.
Приватна архива
„Принцот од Хунза Салим Кан-најстариот син на Мир Газанфар Али Кан и Рани Атика, беше во Македонија. Ова беше приватна посета, а честа да бидам негова домаќинка овде, ми претставуваше неизмерна радост“, напиша Марина во описот додавајќи дека изборот на фотографиите ги направиле заедно со принцот.
Салим со тоа што е најстариот син на Мир Газанфар Али Кан и Рани Атика и е Престолонаследник на Хунза, со кралска лоза од 900 години.
Приватна архива
Тој е школуван во најдобрите колеџи во Исламабад и политички науки во САД, а Македонија ја посети прв пат во животот.
Неговите родители веќе беа гости во нашата земја, а за овој настан тогаш пишуваа и Њујорк Тајмс и Хералд Трибјун.
Приватна архива
Принцот Салим овој пат беше во приватна посета кај Марина Дојчиновска, по што и тој сподели фотографии од посетата..
Изборот од фотографиите од Македонија го направи тој и ги објави веднаш штом стигна дома, на својот фб профил.
Приватна архива
„Бев кај пријатели како семејство, во Македонија-земјата на Александар Македонски“, напиша тој под фотографиите.
Приватна архива
Потсетуваме, Хунзите се народ кој живее во затскриен регион на Хималаите, а познати се и по нивната долговечност
Живеат на планините на северен Пакистан и важат за најздрав народ на светот, а се хранат и живеат целосно природно.
„После првата средба со Хунзите и сите впечатоци со македонски предзнак, откривa и други специфики кои ги прават овие луѓе уникатни и необични. Една од нajбитните е нивната долговечност. Тие вообичаено живеат над 100 години, според филозофијата дека од овој свет треба да се замине од старост, а не заради болест“, изјави Марина во една пригода во интервју за Гламур, откривајќи уште многу тајни за овој интересен народ.
Повеќе за ова прочитајте тука >>
