Британската јавност во шок – контроверзната принцеза се шета топлес на Ибица!
Младата Лејди Амелија Виндзор (22), блиска роднина на принцот Хари и Вилијам, повторно непријатно го изненади кралското семејство.
Имено, музата на светски познатите основачи на брендот “Dolce&Gabbana” моментално летува на Ибица каде папараците ја фотографирале во топлес издание, а фотографиите веднаш предизвикаа скандал во британското кралско семејство.
Младата манекенка е ќерка на Џорџ Виндзор, гроф од Св. Ендрјус и Силвана Томасели, учителка по историја.
Нејзиниот татко Џорџ Виндзор, поради тоа што неговата сопруга веќе имала еден брак пред него, морал да се откаже од својата позиција во редот за наследување на кралската круна, но со промената на актот во 2013 година, грофот и неговата ќерка се повторно на листата за британскиот престол.
Многумина од британската јавност ја сметаат Амелија за една од најсексапилните девојки на кралскиот двор, а поради својата бунтовна природа таа им е омилена на најмладите.
Таа на светската сцена стана популарна откако на една забава се појави во провокативен фустан кој ги откри нејзините гради и тетоважата на ребрата.
