Преубава вест за Македонците од Австралија – Спасен и Методија им доаѓаат, ќе се пеат македонски песни!

Познатиот македонски фолк-пејач Спасен Сиљаноски со својата екипа заминува на голема турнеја во Австралија.

Пејачот на својот Инстаграм профил сподели неколку фотографии од аеродромот и го најави своето гостување во оваа земја, но го откри и изненадувањето – во Австралија со него доаѓа уште една млада, но голема фолк-ѕвезда која сите ја сакаат.

Станува збор за младиот пејач Методија Столески кој веќе им е омилен на многу слушатели на македонската народна песна.

Инстаграм/ Спасен Сиљаноски

Со нив се и момците од „Престиж бенд“, а интересот за влезниците за нивните настапи е голем, така што многумина веќе нестрпливо ги очекуваат, па сите заедно да ги пеат најубавите македонски песни.

Инстаграм/ Спасен Сиљаноски

Ова на Спасен не му е прва турнеја во Австралија, а истата ја најави неодамна, и тоа од болничка постела (види тука).

Инстаграм/ Спасен Сиљаноски

Потсетуваме, Спасен својата кариера ја започна на Роса фест во 2009 година, а важи и за голем патриот без „влакна на јазикот“.

Инстаграм/ Спасен Сиљаноски

Во врска со почетоците на својата кариера, но и за патриотизмот поразговаравме неодамна со него, па еве што ни изјави тој:

„Музиката ја сакам од кога памтам за себе. Но животниот пат не знаете каде ќе ве однесе. Првпат официјално професионално почнав со музика во 2009 на Роса фест. По предлог на професор Сашо Ливрински кој претходно го виде и насети мојот потенцијал“, откри Спасен во една пригода за Гламур магазин, а потоа го додаде и следново:

„Патриот не се создава, треба тоа да го имате во вашиот ген, односно наследено од вашите роднини, а потоа со тек  на формирање на вашата личност патриотизмот само се надградува.“

Инстаграм/ Спасен Сиљаноски

„Не е лошо во никој случај да сте патриот, патриот треба да биде секој човек, тоа едноставно е љубов кон својата држава и својот народ“, изјави тогаш Спасен во интервјуто што го даде за Гламур магазин.

Целото интервју прочитајте го тука...