Преубав ден во топлиот дом на Влатко Миладиноски – пристигнуваат честитки од сите страни (фото)
Познатиот пејач сподели убава вест на овој посебен ден
На познатиот пејач преку цел ден му пристигнуваат честитки
Нашиот познат фолк-пејач Влатко Миладиноски денес слави роденден, а на Фејсбук сподели уште една преубава вест.
Шармантниот пејач е роден на 28 мај 1986 година и полни 39 години, па на овој посебен ден репи да ги изненади и своите фанови.
Фејсбук/ Влатко Миладиноски
Имено, Влатко откри дека покрај концертот во Скопје ќе следува и концерт во Охрид и тоа во Античкиот театар.
„На овој убав ден би сакал да споделам една убава информација со сите вас. После нашиот концерт на 12 јуни, кој ќе се одржи во Опера и балет во Скопје,следува нов концерт кој ке се одржи на 7 Август во Охрид! Прв фолк концерт на Антички театар. Во организација на #Balkan Media Production“, напиша Влатко на социјалните мрежи.
Фејсбук/ Влатко Миладиноски
Потсетуваме, популарниот Влатко Миладиноски покрај својата успешна музичка кариера на која е мошне горд и која што ја гради без ниту еден скандал, тој никогаш не криел дека најмногу се гордее и со она што му е најмило, а тоа секако е семејството.
Тој речиси десет години е во брак со Кристина, а круна на нивната голема љубов се нивните две ќерки, Илина и Андреа.
Фејсбук/ Влатко Миладиноски
И како што самиот откри во една пригода за Гламур магазин, Влатко со сопругата се трудат децата да ги воспитаат патријахално, но и со љубов кон Македонија и кон сé што е македонско.
Принтскрин/ Јутуб
Тие заедно по дома слушаат македонска музика, како неговите песни, така и на неговите колеги и колешки, и како што вели, за него отсекогаш најважно било домашното воспитување.
Целото интервју со Влатко прочитајте го тука.
