Пред да се посвети на верата, работел во ноќен клуб – 10 фасцинантни факти за папата Франциск што создадоа „нова религија“

Папата Франциск е една од најконтроверзните, но и највлијателните личности на денешницата. Неговите ставови предизвикуваат бурни реакции, но истовремено го менуваат начинот на кој светот ја гледа Католичката црква и остави силен белег во историјата.

Кога беше избран во 2013 година, папата Франциск веднаш влезе во историјата како првиот поглавар на Католичката црква роден во Јужна Америка.

Неговиот животен пат е исполнет со интересни моменти. Пред да се посвети на верата, работел во аргентински ноќен клуб и во научна лабораторија. Сепак, откако ја сфатил својата мисија како повик од Бога, го завршил семинариумот „Свети Јосиф“ и се приклучил на редот на језуитите. Благодарение на своите лидерски квалитети, брзо напредувал во црковната хиерархија и на 77-годишна возраст станал поглавар на Католичката црква.

Создаде „нова религија“ и воведе модерни реформи

Од моментот кога стапи на функцијата, папата Франциск започна значајни реформи. Го поедностави процесот за поништување на браковите, наметна строг надворешен финансиски аудит на Ватиканската банка за да се спречи корупцијата, а исто така иницираше поставување на бесплатни тушеви во црквите за бездомниците.

Беше активен во политичките и научните дебати, јавно зборуваше за климатските промени и даваше свои ставови за глобалните лидери што не е специфично за папа.

Исто така, покажа интерес за новите технологии, па во 2019 година иницираше мобилна апликација „Click to Pray“, каде верниците можат да ги следат неговите молитвени планови и да се поврзат со други луѓе.

Контроверзни изјави што предизвикаа дебати

Иако неговите идеи се иновативни, тие не се прифатени од сите. Дури и поранешниот папа Бенедикт XVI го критикуваше неговиот став за целибатот. Сепак, папата Франциск продолжи со своите реформаторски потези.

Еве неколку од неговите најпознати изјави кои го привлекоа вниманието на светската јавност:

„Уживањето во храната и сексот доаѓаат директно од Бог“

Во 2020 година, во интервју за италијанскиот писател Карло Петрини, папата истакна дека уживањето во храна и секс е дар од Бог, а нивното осудување е резултат на погрешни интерпретации на христијанството.

„Не можеме да толерираме расизам и да го игнорираме“

По смртта на Џорџ Флојд во 2020 година (Афроамериканец кој беше убиен од бел полицец), тој јавно ја осуди расната дискриминација, повикувајќи на молитва и солидарност со жртвите на расизмот.

„Ќе се молиме за вештачката интелигенција“

Во едно од своите видео обраќања, Франциск изјави дека технологијата мора да му служи на човештвото и предупреди на потенцијалните опасности од роботиката и вештачката интелигенција.

„Абортусот е тежок грев, но нема грев што Бог не може да го прости“

Во обид да се отвори кон жените, папата официјално дозволи свештениците да простуваат гревови на жени кои направиле абортус.

„Зошто жените заработуваат помалку од мажите?!“

Тој е силен поддржувач на родовата еднаквост и ја нарече разликата во платите меѓу мажите и жените „скандал“.

„Проституцијата не е љубов, туку тортура за жените“

Во 2018 година, на средба со млади, ја осуди принудната проституција и повика на борба против експлоатацијата на жените.

„Не мораме да се размножуваме како зајаци“

Иако Католичката црква се противи на контрацепцијата, Франциск истакна дека родителите треба да планираат колку деца можат да издржуваат.

„Концептот на еволуција не е во спротивност со религијата“

За разлика од претходните поглавари, Франциск ја поддржа еволуцијата како дел од Божјиот креативен процес.

„Многу млади се мртви однатре“

Тој ја критикуваше модерната генерација за нивната зависност од технологијата и недостаток на длабока животна цел.

„Социјалните мрежи треба да не зближуваат, а не да не отуѓуваат“

Иако има милиони следбеници на социјалните мрежи, папата предупредува дека дигиталниот свет не смее да ја замени вистинската комуникација и емпатија.