Правниот потег на принцот Вилијам означува почеток на развод од Кејт Мидлтон? Палатата одбива да се изјасни
Во светот одекна веста дека принцот Вилијам прекинал со досегашните правни застапници, како и дека ја ангажирал адвокатска канцеларија на лордот Мишкон, кој го раскинал бракот на покојната принцеза Дијана и кралот Чарлс, и сите се прашуваат – дали ова е јасен знак дека бракот на британскиот престолонаследник со Кејт Мидлтон дојде до крај?
Долго време се шпекулира за нарушената врска помеѓу принцот Вилијам и Кејт Мидлтон, чиј брак често се опишува како „мртва буква на хартија“. Потегот на наследникот на круната да ангажира канцеларија која ја завршила брачната заедница на неговиот татко и мајка многумина го толкуваат како одлука да го раскине бракот со принцезата од Велс со исти средства со кои тоа пред скоро 30 години го направила покојната принцеза Дијана.
Интересно, кога Дијана во 1995 година била обземена од стравови дека може да биде убиена во подметната сообраќајна несреќа, таа ги доверила тие стравови на човекот во кого најмногу верувала – својот адвокат, лорд Мишкон.
Токму неговата адвокатска канцеларија ја застапуваше принцезата Дијана за време на бурниот развод од принцот Чарлс, кој беше завршен следната година.
По смртта на принцезата во сообраќајната несреќа во Париз во 1997 година, заедно со Доди Ал-Фајед и возачот Анри Пол, лорд Мишкон ги предал на полицијата своите белешки од состанокот со Дијана, кои ги отпечатил веднаш по нивниот состанок. Белешката била ставена на сигурно место, но не била испратена до француските власти кои воделе истрага за несреќата. Тоа го направил шест години подоцна.
Братот и сестрата на принцезата Дијана не знаеле за постоењето на овие белешки повеќе од десет години по нивното создавање. Принцот Вилијам и принцот Хари исто така долго време живееле во незнаење.
На состанок со шефови на полицијата, одржан еден месец по смртта на Дијана, лорд Мишкон, кој починал во 2006 година, ја прочитал својата белешка на глас, за да ја нагласи нејзината важност. Во неа запишал дека Дијана му рекла дека верува дека ќе се случи „обид за некоја несреќа со автомобил, со претходно подготвено отпуштање на сопирачките, за да биде повредена или оштетена доволно за да ја прогласат за ментално нестабилна“.
Во изненадувачки пресврт, сега е откриено дека принцот Вилијам повторно се обратил на адвокатите на Дијана. Тој ја ангажирал адвокатската канцеларија „Мишкон де Реја“ да го застапува него и неговото семејство – што претставува прекин со досегашната традиција.
„Вилијам сака да делува самостојно. Не сака да продолжи да ги користи адвокатите на својот татко. Едноставно – сака да биде свој човек“, изјавил за „Дејли Мејл“ извор близок на принцот од Велс.
Портпаролот на Кенсингтонската палата одбил да ги коментира овие потези, но во правните кругови станало тема на денот. Ако ги земеме предвид шпекулациите дека кралот Чарлс е на страната на Кејт Мидлтон и дека тие имаат таен договор за нејзиниот иден статус во земјата, а исто така и дека Вилијам прекинал со адвокатите кои децении го застапуваат неговиот татко и ги ангажирал тие кои биле на страната на Дијана за време на разводот, оправдано е сомневањето дека принцот и принцезата од Велс наскоро можат да тргнат по разделни патишта.
