Се споредувате ли со другите? Имате ли потреба да им угодувате на сите? Прашања кои ќе ви помогнат да дознаете дали сте несреќни!
Иако сосема нормално е понекогаш да се чувствувате лошо, кај некои луѓе чувството на незадоволство и отсуство на среќа може да се задржи повеќе од вообичаено. Ако се наоѓате и вие во оваа група, тогаш поставете си ги овие прашња и обидете се да го дознаете одговорот зошто се чувствувате несреќно.
Дали сум опкружен(а) со токсични луѓе?
Преку интеракцијата со луѓето влијаеме на другите, но и тие влијаат на нас. Ако луѓето во вашата околина се позитивни и ве инспирираат, несвесно позитивно влијаат на вас, но и обратно, поради луѓето во вашата околина можете да се чувствувате несреќно.
Се споредувам ли постојано со другите?
Постојаното споредување со другите луѓе може да развие чувство на неспособност, безвредност и да предизвика депресија.
Имам ли потреба да им угодувам на другите?
Невозможна мисија е да им угододите на сите! Додека не си го признаете ова, нема да можете да престанете да го правите тоа.
Се почастувам ли себеси одвреме-навреме со ситници кои ме задоволуваат?
Сакате некој спорт, но никогаш не сте се обиделе да се занимавате затоа што не сте имале време за тоа? Можеби сакате да одите во кино или на лизгалиште? Ако не се грижите вие самите за својот живот, никој нема да го направи тоа!
