Повеќегодишен зеленчук и зачини што успеваат и на мал балкон – ако ги засадите сега, ќе ги засадите само еднаш, а ќе уживате со години!

Искусните градинари знаат дека некои растенија треба да се засадат само еднаш, а тие секоја година самите се обновуваат, збогатувајќи ја градината од сезона во сезона. Но, истите растенија може да ги засадите сега и во домашни услови, ако живеете во стан и да ги одгледувате на балконот.

Доколку сакате самоодржлива градина полна со свежи и здрави намирници, или балкон кој изгледа на вистинска градина, овие 10 растенија ќе ви раѓаат во наредните 10 години.

1. Домашно зелје

Еднаш засадено, ова зелје самото се расејува и повторно расте, без потреба од прскање или прихрана. Совршено е за подготовка на пити, но и за сармички.

2. Рукoла

Ароматично растение идеално за салати, пици и разни јадења. Кога еднаш ќе се засее, самото се шири и секоја година никнува сè повеќе и повеќе.

3. Власец

Овој благ лук е одличен додаток во салати и за јадења приготвени со месо. Многу е декоративен кога ќе процвета, а во градината може да опстане со години.

4. Шпаргли

Еднаш засадени, раѓаат со години, а нивниот принос со текот на времето се зголемува. Им треба вода, но по бербата, земјата треба да се остави да мирува до следната пролет.

5. Артичока

Артичоката е долготрајно растение што секоја година создава нови изданоци. Овие растенија можете да ги пресадувате и така да добиете уште повеќе артичоки кои се совршени за салати.

6. Рен

Коренот од ренот е одличен за подготовка на салати и прилози, а листовите може да се користат за сарма. Важно е секогаш да оставите дел од коренот во земјата за да се обнови следната година.

7. Поточарка

Ова многу ценето растение е слично на руколата и има способност за саморазмножување. Не бара посебна нега и претставува вистински дар за секој градинар.

8. Лук

Доволно е да засадите чешниња лук, и кога младите стебленца ќе пораснат, растението ќе испушти семе, обезбедувајќи нов род секоја година. Познат по своите здравствени придобивки, лукот е неопходен во градината.

9. Кељ

Иако најчесто се одгледува како едногодишно растение, кељот може да преживее во зима и повторно да изникне во лето. За поголем принос, препорачливо е да се засадат дополнителни растенија околу постојните.

10. Кромид

Еднаш засаден, кромидот ќе се обновува одново и одново. Иако дивиот кромид не е толку буен како одгледуваниот, тој е одличен избор за самоодржлива градина.

Ако сакате градина што самата се обновува и обезбедува свежа храна од година во година, овие растенија се идеален избор, и засадете ги токму сега, во овој период од годината.

Мини градина на балкон

Ако сакате самоодржлива мини градина на балкон, овие повеќегодишни зеленчуци и зачини се идеални за одгледување во саксии. Засадете ги сега.

Најдобри растенија за балкон:

Рукола – расте брзо, сама се расејува и бара малку простор.

Власец – лесен за одгледување, декоративен и одличен за салати.

Поточарка – не бара посебна нега и е вкусна во салати.

Кромид и лук – доволно е да засадите чешне во саксија и ќе се обновува сам.

Кељ – може да преживее зима, па дури и да израсне повторно следната година.

Рен – лесно се шири, а листовите можете да ги користите за сарма.

Како да ги одгледувате на балкон:

Користете длабоки саксии (20-30 см) со добра дренажа.

Обезбедете сончева светлина (барем 4-6 часа дневно).

Редовно полевајте ги, но внимавај да не ги преполните со вода.

Повремено додавајте природно ѓубриво за подобар раст.

Дури и на мал балкон, можете да имате зелена оаза што се обновува секоја година!