Посни палачинки со богат вкус и едноставна подготовка – наместо јајца и млеко се ставаат овие состојки
Совршен избор за доручек или ужина, без млеко и јајца, со богат вкус и едноставна подготовка.
Со почетокот на Божиќните пости, многумина бараат практични и вкусни рецепти кои ќе ги следат правилата на постот, а сепак ќе донесат уживање на трпезата.
Посните палачинки се едно од најпопуларните јадења во овој период – лесни, воздушести и подеднакво вкусни како и класичните.
Наместо обично млеко и јајца, во оваа рецептура се користи соино млеко, богато со протеини и одлична растителна алтернатива.
Потребни состојки:
250 мл соино млеко
150 г брашно (обично или интегрално)
1 лажица масло + малку за подмачкување на тавата
Прстофат сол
По желба: 1 лажица шеќер или ванилин шеќер за слатка варијанта
Начин на подготовка:
Во голем сад измешајте го брашното со соиното млеко. Мешајте додека смесата не стане мазна, без грутки.
Додадете сол и една лажица масло. Доколку сакате слатки палачинки, додадете шеќер или ванилин шеќер. Смесата треба да биде течна, но не премногу ретка.
Загрејте ја тавата и лесно подмачкајте ја со малку масло.
Истурете мала количина од смесата и рамномерно распоредете ја по тавата.
Печете од двете страни додека добијат златно-кафена боја.
Послужете ги топли, со омилен посен фил: џем, свежо овошје, мед или мелени јатки.
Овие палачинки се совршени за време на пост, но и за сите кои сакаат полесни и поздрави варијанти на омилената класична закуска.
Добар апетит!
