Великиот пост веќе трае, секогаш е добро да се подготви некој вкусен десерт, а ние ви носиме рецепт за посна штрудла.
За оваа штрудла не ви треба многу време ниту посебни вештини.
Состојки:
1 пакување квасец
2 лажички шеќер
300 мл топла вода
500 г брашно
Прстофат сол
50 мл масло
1 лажичка оцет
6-8 јаболка
50 г шеќер
Цимет по вкус
2 лажички мелени ореви (по избор)
Прстофат рендана кора од лимон
Подготовка:
Во топлата вода растопете го квасецот со шеќерот и оставете да нарасне.
Во брашното додадете сол, масло и оцет, па соединете го со квасецот. Замесете меко, мазно тесто, покријте го и оставете го да стасува 1-2 часа.
Јаболката излупете ги, изрендајте ги и ставете ги во тава. Додадете шеќер, цимет, ореви и кора од лимон, па динстајте додека омекнат.
Тестото поделете го на два дела и развлечете две тенки кори. На секоја нанесете фил од јаболка. Завиткајте ги штрудлите и ставете ги во плех обложен со хартија за печење.
Печете во претходно загреана рерна на 180°C околу 30 минути, додека поруменат.
Вкусете ја оваа превкусна, миризлива посна штрудла што ќе ве врати во времето на безгрижните детски денови!
