Последната порака на сопругата на Андреј од ДНК до политичарите треба сите да ја прочитаат (фото)

„Бараме неселективна правда. Без калкулации, без привилегирани и без заборавени. Ако не ја добиеме – ќе зборуваме погласно. И ќе не’ има се повеќе“, вели Наталија во своето обраќање.

Сопругата на Андреј Ѓорѓиески, еден од фронтмените на ДНК кој настрада во пожарот во дискотеката „Пулс“ се огласи.

Наталија овој пат се обрати до јавноста преку Фејсбук, а нејзината порака може да ја прочитате целосно во продолжение.

Фејсбук

Таа бара неселективна правда без калкулации и привилегирани, а доколку не биде спроведена истата, тогаш ќе зборуваат се погласно, но и ќе бараат одговорност и оставки од одговорните.

Таа оваа својата објава ја напиша како коментар на еден новинарски текст за протестот на родителите на настраданите во пожарот.

Фејсбук

Наталија и претходно се огласи, и тоа еден ден по смртта на нејзиниот сопруг, кога бараше да не се шират невистини за случајот.

Таа тогаш напиша и дека пиротехниката не е донесена од страна на бендот, но воедно го критикуваше и нехуманото однесување кон неа и кон нејзиното малолетно дете од страна на службите.

Повеќе за ова прочитајте тука.

Фејсбук

Потсетуваме, во страшната несреќа што се случи во Кочани за време на концертот на ДНК загинаа 62 млади лица.

Фејсбук

Покрај загинатите има и многу тешко повредени кои се уште се лекуваат, а повеќето од нив се млади луѓе.

Меѓу починатите се и осум членови на групата „ДНК“ – пејачот Андреј Ѓорѓиески, тапанарот Ѓорѓи Горгиев, клавијатуристот Филип Стевановски, гитаристот Александар Коларов, фотографот Александар Ефремов, придружниот вокал Сара Пројковска, тон-мајсторот Игор Велков и битбоксерот Мартин Атанасовски. Владимир Блажев – Панчо, кој заедно со Андреј е еден од основачите на бендот, ја преживеа несреќата, но се уште е на лекување во болница со тешки изгореници. Несреќата ја преживеа и Ана Костадиновска, придружен вокал во групата, како и младиот гитарист Горн Тонев од Штип.