Модните ревии во светот предизвикуваат голем интерес кај публиката која сака да ги види најновите колекции на дизајнерите што се претставуваат, но и поради интересните комбинации кои ги носат самите гости.
Па, да видиме како изгледаа нашите ѕвезди и ѕвездички, модни уредници, блогери и трендсетерки на овогодинешното издание на Моден викенд Скопје.
На 25 октомври во Музеј на Македонија се одржа последната вечер од Модниот викенд Скопје кој и оваа година како и претходните го привлече вниманието на сите вљубеници во модата. Но, покрај парчињата презентирани на ревиите на нашите познати дизајнери, оваа година можеа да се забележат и многу интересни комбинации на посетителите кои ги следеа и седеа во првите редови. Па така, на прв поглед заклучокот е дека годинава можеа да се видат доста шарени, разиграни и весели комбинации, но и елегантни и провокативни детали. Комбинации на различни стилски парчиња, во различни бои и дезени, надополнети со неизбежните модни додатоци и високи чизми или високи потпетици на нозете. Што се однесува до машкиот пол, тука доминираа фармерките, сакоата со пачворк на ракавите и несредените бради. Кај девојките пак, не недостигаа ни дизајнерски парчиња кои во најголем дел беа успешно комбинирани со останатиот дел од гардеробата и додатоците. Погледнете ги наааајубавите аутфити во галеријата во продолжение.
| види повеќе » |
Фото: FWSK | Ани и Дими
