Порталот Гламур и овој месец со милионски бројки – ви се заблагодаруваме 7.528.764 пати, тука сме за вас
Иако ова беше најтажниот и најтешкиот месец откако постоиме, моравме да останеме доследни и да продолжиме посветено да работиме, па сега ја користиме оваа прилика и од сé срце да ви се заблагодариме...
Порталот Гламур продолжува и во месец март да бележи рекордни бројки што се однесува до посетеноста и читаноста.
Повторно милионски бројки што сведочат за квалитетот на Гламур.мк и за нашите оригинални содржини, со што и понатаму продолжуваме да бидеме еден од водечките портали за познатите и тоа не само во Македонија, туку и во регионот.
Имено, со бројка од 7.528.764 прегледани страници и преку 844.560 единствени посетители (unique users), Гламур и овој месец останува на врвот меѓу најчитаните портали во Македонија (статистиката од „Гугл аналитикс“ за месец март погледнете ја тука).
Порталот Гламур и во текот на цела 2024 имаше рекордна посетеност и милионски бројки со кои ретко кој друг портал во Мкедонија може да се пофали (види тука)
Ретко која друга интернет адреса во Македонија може да е пофали со вакви бројки, за кои најзаслужни сте вие, наши драги читатели, па затоа и ви се заблагодаруваме 7.528.764 пати.
Ви се заблагодаруваме во име на целиот наш тим, и воедно ве повикуваме да се придружите и на нашите платформи на Инстаграм, Фејсбук страниците Гламур магазин и Happy MAMA, каде и понатаму продолжува нашата заедничка приказна.
Гугл аналитикс за посетеноста на Гламур за март во 2025 (повеќе тука)
Ние, како што ветивме и порано, продолжуваме и понатаму со нашата мисија – да им дадеме предност на нашите македонски ѕвезди и јавни личности, да ги поддржиме и заеднички да ја градиме и развиваме нашата сцена, првенствено музичката, но и сите останати области од културата. И понатаму ќе продолжиме да создаваме интересни и забавни содржини преку кои ќе промовираме сé што е наше, со македонски потпис, посебно со акцент на шоубизнисот, модата и шопингот.
Покрај ова, веќе успешно ги стартувавме и Бизнис приказните со најуспешните жени од Македонија, кои ќе продолжиме да ги развиваме и во иднина, а новина се и новите рубрики за бизнис и вести од дијаспората во рамките на кои ќе пренесуваме вести за кои сметаме дека ќе бидат интересни за нашите читатели.
И сето тоа, спакувано во интересни содржини кои досега ги преземале бројни наши портали, што исто така сведочи за посветеноста, професионалноста и креативноста на нашиот тим.
Па, уште еднаш, од сé срце ви се заблагодаруваме 7.528.764 пати на довербата и одвоеното време да не следите и читате, и ви посакуваме во следниот период да ви се остварат минимум толку желби!
