Едноставниот фустан во зелана боја од брендот „Kitri“ е хит на интернет, а сé благодарение на данската модна блогерка „The Fashion Guitar“.
Имено, англискиот моден бренд не ни сонуваше дека нивниот пролетен зелен фустан ќе ги освои срцата на познатите дами. Но благодарение на контактот со модната блогерка Шарлот Гроеневелд основачка на блогот „The Fashion Guitar“ која го избра токму зелениот фустан за реклама на социјалните мрежи, фустанот стана хит во целиот свет. Таа го носеше на Модната недела во Њујорк, а нејзиниот стајлинг стана еден од најпопуларните во уличните модни галерии.
Ова беше доволно 800 жени од целиот свет да го порачаат истиот фустан кој чини 145 фунти. Сега зелениот фустан повеќе не е достапен бидејќи сите се распродадени, а брендот ветува дека наскоро ќе го вратат во продажба па ги охрабрува дамите да се пријават на листата за чекање.
