Оваа млада месечина ќе ви донесе нова, свежа енергија. Многу личности ќе ги исправат своите грешки и ќе добијат нова шанса. Сега многу работи стануваат возможни!
Младата месечина е поврзана со душата на човекот, а во знакот на Рибите, таа е вистинска длабока душа. Сега би требало да ја следите својата интуиција, да медитирате и да се молите, па да се исчистите од негативните мисли. Многу личности може да се вратат во минатото и да размислуваат што се случувало, па сега е поволно време овие работи да ги оставите во минатото и да се фокусирате на сегашноста.
Со помош на младата месечина обидете се да започнете нова страница во вашиот живот, која ќе ви ги донесе благодетите за кои отсекогаш сте мечтаеле. Сега е добро време да пронајдете малку простор за себе, да се оттргнете од другите и да се ослободите од личностите со кои не се чувствувате убаво.
Оваа положба на месечината е доста добра за духовните личности, така што би требало да започнат нова тема во духовноста. Многу личности ќе имаат енергија која ќе им овозможи остварување на нивните цели и желби. Младата месечина во знакот на Риби ни дава длабоки емоции, па ако нешто порано не ви успевало, сега е време повторно да се обидете, со нови сили и нова енергија.
