Почина Хју Хефнер (91) (Видео)

Почина Хју Хефнер во 91 година од животот

Основачот и сопственикот на познатиот магазин Плејбој е роден во Чикаго во 1926 година, а во дамнешната 1953 година, со само 600 долари, го основаше магазинот Плејбој кој со тек на времето стана мулти-милионска индустрија. Неговиот живот до последен момент беше опкружен со бројни убавици, кои живееја во неговата луксузна вила, а од кои многу станаа и познати светски ѕвезди. Популарните зајачици му ја донесоа славата на Хју кој важеше за голем заводник кој организираше оргии на своите надалеку познати забави.

Неговите најпознати зајачици се Џејн Мејнсфилд, Шенон Твид, Џени Мекарти, Памела Андерсон, Ен Никол Смит, Меилин Монро …

Како што соопшти ПР службата на магазинот, овој медиумски магнат и милионер почина од природна смрт во својот дом во Лос Анџелес опкружен со семејството, пренесува АП. Со основање на Плејбој во 1953 година Хефнер изгради бренд кој ја дефинираше сексуалната култура во втората половина од 20 век, како во Америка, така и во целиот свет.

{youtube}UpBapkSZtZY{/youtube}

„Животот е премногу краток за да се живее нечиј друг сон“ – беше една од најпознатите изјави на стариот лисец кој познатиот американски сон го живееше како никој друг досега.

Па, нека му е лесна земја …