Почина режисерот на серијата која беше хит во цела Југославија – падна за време на снимање (видео)

Почина еден од најпознатите српски режисери

Познатиот режисер Михаило Вукобратовиќ (73) почина на 7 септември, во болница во Земун, на одделение за неврохирургија.

Како што пренесуваат медиумите, Михаило бил примен во болница на 28 јуни откако претходно паднал на снимањето.

Принтскрин/ Јутуб, Slow TV Relax

Режисерот тогаш се здобил со тешки повреди на главата и рбетот, по што бил пренесен во болницата.

Тој беше познат по режирање на бројни серии, а едно од неговите најпознати телевизиски ремек-дела беше „Подобар живот“.

Подобар живот

Потсетуваме, серијата „Подобар живот“ премиерно се емитуваше од 1987 до 1991 година и беше хит и во Македонија.

Во серијата глумеа многу познати актери, а меѓу нив и Лидија Вукичевиќ како Виолета Попадиќ, ќерка на Драгиша Попадиќ.

Оваа серија тогаш беше една од најгледаните и во нашата земја и на тогашните генерации им го одбележа животот.

Принтскрин/ Јутуб, РТС

Михаило ги режираше првите 29 епизоди од серијата, а ќе остане запаметен и по бројни други познати српски серии и филмови.

Тој беше и директор на култниот белградски Театар Терезије каде по 12 години ќе поднесе оставка, на 21 февруари 2013 година.