Почина познат македонски музичар – колегите и пријателите се збогуваат со тажни пораки
Ова утро осамна тажна вест – почина музичарот Петар Исиров познат како македонскиот Џо Кокер
Почина познат македонски музичар
Почина познатиот рок и блуз музичар Петар Исиров Пјотр кој со својот бенд веќе долги години ја забавуваше публиката.
Речиси да нема место во Македонија во која се слуша добра странска музика, а петар да нема настапувано со својот бенд.
Принтскрин/ Фејсбук
Беше познат како Перо Кокер, заради неговата голема љубов кон Џо Кокер, а оние што го познаваа за него велеа дека од славниот англиски пејач се разликува само по фризурата.
Перо песните на Џо Кокер секогаш ги изведуваше секогаш со многу автентичност и емоции, а клупските свирки со Перо секогаш беа врв, со одлична музика и уште подобра забава.
Тој повеќе од три децении настапуваше низ цела Македонија, а со неговиот препознатлив глас беше еден од омилените музичари.
По веста за неговата смрт многу негови колеги и пријатели се во шок и со потресни зборови се збогуваат од него.
Принтскрин/ Фејсбук
„Ти беше и повеќе од Џо Кокер. Ти беше и музичар и другар. Пјотр Petar Isirov кој не го запознал, не знае ништо за живите свирки во градов и блузот. Почивај во мир и таму горе да ги искинеш сите жици на гитарата“, пишува во една од овие пораки што ја напиша Дарко Ристовски, а ја сподели и македонскиот шоумен Бетмен Велит.
