Почина поранешен кошаркар на Пелистер, МЗТ, Вардар и младински репрезентативец!
Поранешниот кошаркар и легенда на Пелистер, Зоран Петковски почина на 47-годишна возраст, а информацијата ја објави македонскиот прволигаш од Битола.
Петковски ги направи првите кошаркарски чекори во Пелистер, а беше и младински репрезентативец на Македонија, додека во кариерата ги носеше и дресовите на Куманово, Вардар, МЗТ Скопје и други екипи.
На почетокот на неговата тренерска кариера седна и на кормилото на Пелистер, со кој обезбеди пласман во елитата, а пред неколку години беше и член на управата на „зелено-белите“.
Ќе остане запаметен како еден од најдобрите битолски кошаркари во историјата.
Покрај тренерска кариера во матичниот КК Пелистер, беше дел од проектот КК Хераклеја.
Зоран Петковски по неговото повлекување од неговата “љубов” кошарката, стана и е дел од Советот на Општина Битола, човек кој со својата посветеност, енергија и љубов кон спортот остави неизбришлива трага во спортскиот живот на Битола.
Неговата поддршка на спортските иницијативи и неговиот несебичен дух ќе останат запаметени како пример за вистински битолски патриот и спортски ентузијаст.
