По операцијата и трите стента – нови детали за здравствената состојба на Весна Змијанац
На Весна Змијанац поставени и се три стента, а сега еве во каква состојба е.
Популарната пејачка Весна Змијанац пред неколку дена беше примена во Ургентниот центар поради влошување на здравствената состојба.
Како што пренесуваат српските медиуми, таа успешно се опоравува и се очекува да биде пуштена од болница на почетокот на следната недела.
Весна секојдневно ја посетуваат пријатели и членови на семејството, а нејзината состојба од ден на ден е сè подобра.
– Весна е добро и наскоро би требало да ја пуштат дома. Се надеваме на почетокот на следната недела. Ја посетуваат пријатели и семејството, а Николија е секој ден покрај неа, изјави извор близок до пејачката за српски Мондо.
Пред неколку дена Весна имала интервенција при која ѝ била извршена реваскуларизација на артерија, а постапката била спроведена поради итноста на нејзината состојба. Според изворите, пејачката имала сериозно стеснување, односно затнување на еден од најважните крвни садови на срцето – главното стебло на левата коронарна артерија.
Со оваа интервенција е вратен протокот на крв, со што се спречува инфаркт и се подобрува работата на срцето. Поставувањето на три стента укажува дека стеснувањето било подолго или присутно на повеќе места.
Колегите од естрадата ѝ даваат голема поддршка на Весна, а се огласи и Шемса Сулјаковиќ, која на својот Фејсбук-профил објави фотографија од Весна и ѝ посака брзо закрепнување.
„Драга Весна, ти посакувам брзо и успешно закрепнување. Се надеваме дека наскоро повторно ќе те видиме на сцената, таму каде што ти е местото“, напиша Шемса, со емотикони срца и бакнежи.
