63-годишен планинар од Македонија загина на Монт Еверест
Порталот The Himalayan Times денес јави дека македонскиот планинар Георги Петков (63) загина при искачување на највисокиот врв на светот, Монт Еверест (8848 метри) според официјалните претставници на базниот камп. Тој беше дел од експедицијата предводена од британскиот планинар Тим Моусдејл кој изјави дека во тек се подготовки за спуштање на неговото тело во еден од пониските логори. Георги почина од срцев удар при искачувањето на последната точка непосредно пред врвот, изјави за порталот ТНТ, Ками Нуру Шерпа, менаџерот на базниот логор. Покрај него, сериозно е повреден и еден алпинист Шерпа откако бил погоден од карпи што паѓале, во близина на кампот II.
Инаку, Георги Петков е доктор од Гевгелија и беше единствениот Македонец во меѓународната експедиција за освојување на највисокиот врв на светот.
