Понекогаш храната не е најголемата пречка при слабеењето, туку она што го пиеме. Луѓето внимаваат на калориите кои ги внесуваат преку храната, но речиси секогаш забораваат на другите кои ги консумираат преку денот.
Кафето, ледените чаеви, енергетските пијалаци и алкохолот содржат калории кои не ви се пријатели. Тие предизвикуваат дебелеење и појавување на сало на многу места на телото. Многу алкохолни пијалаци воопшто немаат назначено нутритивни вредности, па не ни знаете што точно внесувате во организмот. Имајте на ум дека алкохолот, освен калориите, содржи и шеќер, а тоа е комбинација за непосакуваните килограми.
Една од главните причини поради кои алкохолот предизвикува дебелеење е што телото побавно го процесира, па сите дополнителни калории кои притоа ги внесувате се претвораат во масно ткиво.
Ако целта ви е да ослабнете, а сепак повремено сакате да си дозволите и консумирање алкохол, нека биде тоа водка или чаша црно вино. Слатките пијалаци, пиво и коктелите содржат многу повеќе калории и создаваат подуеност.в
