Пет лекови кои никогаш не треба да ги земате навечер – меѓу непожелните се и некои против грип и настинка, проверете зошто

Не можете да сфатите што точно ве спречува да спиете добро? Тоа може да се должи на лековите што ги земате навечер.

„Одредени лекови можат да влијаат на сонот на една личност“, вели д-р Мајкл Бреус. — „Одредени лекови им помагаат на луѓето да спијат подобро, сепак, многу лекови, од лековите против настинка и грип до лекови од терапиите за канцер, може да предизвикаат несоница, што го отежнува заспивањето или пак, сосема ќе ве остават без сон“.

Еве пет лекови кои може да го попречат вашиот сон. Проверете ја листата за да си го осигурате здравјето за себе и на вашите најблиски, но не заборавајте секогаш да се консултирате со вашиот лекар пред да направите какви било промени во третманот.

Лекови за настинка

„Лековите за настинка без рецепт често содржат деконгестив наречен псеудоефедрин, кој може да ја намали назалната конгестија“, вели д-р Мајкл Бреус. – Познато е дека псеудоефедрин предизвикува несоница, дури и кога се користи како спреј за нос.

Некои лекови за алергија наречени антихистаминици го поттикнуваат спиењето, па затоа може да се додаде псеудоефедрин на нив за да се спречи поспаност. Запомнете, сите лекови кои содржат деконгестиви може да го попречат сонот.

Никотински фластери

Внимавајте кога користите никотински фластери навечер, во спротивно може да доживеете немирна ноќ.

„Никотинската терапија е дизајнирана да ви помогне да се откажете од пушењето давајќи ви мала количина никотин – доволно за да ги избегнете симптоми на откажување“, вели фармацевтот Меган Н. Фриленд.

Но, потврдено е дека никотинскиот фластер може да предизвика несоница ако го оставите да делува преку ноќ.

Подобро е да се обидете да го отстраните фластерот навечер за да го избегнете овој несакан ефект.

Антидепресиви

Експертите предупредуваат дека некои антидепресиви може да го попречат сонот. Ова не важи за сите производи.

„SSRIs – или селективни инхибитори кои лачат серотонин – се посебен вид на антидепресиви кои го зголемуваат нивото на серотонин во вашиот мозок.

Серотонинот помага да се подобри вашето расположение и благосостојба, објаснува фармацевтот Меган Н. Фриланд. – SSRI како што е флуоксетин (Прозак) остануваат меѓу најчесто препишаните антидепресиви. Но, иако се доста ефикасни против депресија, тие исто така можат да го попречат заспивањето и да останете долго навечер без сон.

Ако вашиот лекар се согласи, размислете да го земате вашиот антидепресив SSRI наутро или да се префрлите на антидепресив што го олеснува спиењето. Тразодон (Десирел) или миртазапин (Ремерон) може да бидат подобри опции за вас.

Бета блокатори

Бета-блокаторите најчесто се препишуваат за лекување на висок крвен притисок и неправилно чукање на срцето (висок пулс), но тие можат да влијаат на квалитетот на сонот.

„Бета-блокаторите долго време се поврзуваат со нарушувања на спиењето, вклучувајќи ноќни будења и кошмари“, вели д-р Армон Б. Нил, Џуниор.

Се смета дека тие го прават тоа со инхибирање на ноќното лачење на мелатонин, хормон вклучен во регулирањето на спиењето и деноноќниот часовник на телото. Ниските нивоа на мелатонин понекогаш се забележуваат при хронична несоница.

Ноќната доза на мелатонин исто така може да помогне за полесно и побрзо заспивање, ако веќе мора да земете бета блокатори навечер.

Инхибитори на холинестераза

Инхибиторите на холинестераза најчесто се препишуваат за лекување при губење на меморијата и други симптоми поврзани со деменција.

„Се смета дека овие лекови делуваат така што го инхибираат ензимот во телото кој го разградува ацетилхолинот (невротрансмитер важен за будноста, меморијата, размислувањето и расудувањето) и на тој начин ја зголемува количината достапна за мозочните клетки“, вели д-р Нил.

Теоретски, ова го успорува губењето на меморијата на пациентот и му помага да ги извршува секојдневните активности со помали тешкотии.

Сепак, блокирањето на разградувањето на ацетилхолинот, кој се наоѓа низ телото, не само во мозокот, може да предизвика пореметување на сонот, односно често будење и несоница.

Потсетуваме, гламур.мк пишуваше за моќта на билката валеријаната за мирен сон.

Една од главните придобивки од валеријаната, за разлика од многу други средства за смирување, е во тоа што не предизвикува зависност.

Освен што одлично ги смирува и опушта нервите, валеријаната има и други лековити својства:

– ја ублажува мигрената
– ги опушта мускулите и грчевите во стомакот
– делува како аналгетик и помага при менструална болка
– ги ублажува симптомите на астма
– го намалува крвниот притисок

Валеријаната може да се набави во форма на капки, масло, таблети, капсули и чај. Разбирливо е дека е потребно придржување до пропишаните упатства за дозирање и начин на употреба.

Подготовка на чај од валеријана:

Чајот од валеријана се подготвува така што една мала лажичка корен од билката се прелива со 2 дл врела вода и по 5 минути се процедува. Препорачаната дневна доза е 2-3 чаши во текот на денот, од кои задолжително една навечер, половина час пред спиење, што е идеално за лекување на несоница. Исто така треба да се знае дека валеријаната има доволно силно седативно дејство, така што не треба да се користи со други растенија со сличен ефект, ниту пак во комбинација со синтетички лекови за смирување.