Пензионерка заборавила торба со повеќе од 22 000 евра, не се сеќавала каде ја оставила

Пред неколку месеци, во Јарослав се случи необичен настан, кој сè уште е тема на разговор меѓу мештаните.

80-годишна пензионерка ја заборавила својата торба со огромна сума пари во трамвајот – дури два милиони рубли, што е околу 22.000 евра.

Интересно е што 80-годишната пензионерка не се сеќавала каде ја оставила својата торба. Вработените во градскиот електричен транспорт го пронашле заборавениот багаж и решиле да ја проверат неговата содржина. Внатре ги пречекала неочекувана глетка – покрај пасошот на сопственикот, имало и значителна сума пари.

Пасошот ја открил адресата, па вработените без размислување отишле да ја вратат торбата. Иако сопственичката била во шок, таа им се заблагодарила на вработените за покажаната исклучителна професионалност и чесност.

Според директорот на Јарославскиот градски електричен транспорт, Денис Пирлог, откако ја пронашле торбата, вработените чекале сопственикот или полицијата да ги контактираат, но бидејќи тоа не се случило, решиле сами да го направат чекорот и да го пронајдат сопственикот.

– Загубата е вратена и сè е правилно документирано – рече Пирлог.