Пејачката Андријана Јаневска во шок кога ги виде овие фотографии – веднаш се огласи, ова е монтажа!
Повторно наша ѕвезда искористена во голема интернет превара што се шири на социјалните мрежи
Пејачката разоткри уште една интернет измама
Нашата позната пејачка Андрија Јаневска беше приморана да се обрати и да реагира на социјалните мрежи заради една лажна реклама што се шири на интернетот, а во која е злоупотребен нејзиниот лик.
Имено, во рекламата покрај нејзините фотографии има и интервју во кое наводно пејачката зборува за медиумите и ја открива тајната на нејзиниот изглед. Фотографиите се споделуваат со наслов: „Изгледам како 20 годишна, иако имам 43. Со овој лесен домашен рецепт ми ги снема брчките“, пишува во објавата.
Пејачката реагираше веднаш и побара од своите следбеници да го пријават овој лажен профил бидејќи таа не рекламирала никакви креми, ниту пак давала интервјуа, а се пошегува и со самата фотографија.
Принтскрин/ Инстаграм
„Инаку, јака им е монтажата со компирот“, напиша Јаневска.
Принтскрин/ Инстаграм
Потсетуваме, вакви ситуации не се реткост, а јавни личности често стануваат жртви на лажни реклами за разни производи.
Понекогаш овие реклами се и крајно морбидни, па шират лажни вести за лоша здравствена состојба на одредена личност, а со слична ситуација неодамна се соочи и колешката на Андријана, Калиопи Букле.
Принтскрин/ Инстаграм
Сето ова секако преставува сериозен проблем во современата медиумска култура, а со истиот се соочуваат и светските ѕвезди.
Принтскрин/ Инстаграм
Па така познат е случајот кога една жена беше измамена од лице кое се претставувало како Бред Пит.
Станува збор за Французинка која верувала дека е во романтична врска со Бред, а од која измамниците користејќи вештачка интелигенција успеале да и земат 830.000 евра кои наводно му требале на познатиот актер за лекување. Вакви измами не се страни и за нашиот простор, па така пред неколку години и пејачката Илда Шаулиќ, наследничката на Шабан Шаулиќ, беше жртва на вакви измамници.
Имено, тогаш непознато лице се преставувало во нејзино име на социјалните мрежи и од фановите барал пари зборувајќи дека е во неволја и дека итно му е потребна парична помош.
