„Патувај љубов моја, во сонот ти си мојот ангел чувар“ – претажна објава на сопругата на Александар од ДНК
Непребол!
Тажна објава на сопругата на еден од загинатите членови на групата ДНК кои настрадаа на 16 март во несреќата во Кочани.
Гитаристот Александар Коларов од Штип загина во страшниот пожар што се случи во дискотеката „Пулс“ во Кочани.
Тој беше еден од членовите на бендот ДНК кој кобната ноќ одржуваше концерт кога заради пиротехничките средства се запали кровот од дискотеката, по што пожарот за брзо време се прошири и однесе 60 млади животи. Покрај Александар загинаа уште седум членови на бендот, меѓу кои и Андрија Ѓорѓиески, еден од фронтмените, додека Владимир Блажев- Панчо се уше е во болница.
Принтскрин/ Фејсбук, Маја Р. Крстевска
По големата несреќа сопругата на Коларов, Маја, неколку пати сподели заеднички фотографии со својот сакан, а на една од овие објави напиша и тажна порака која никого не остави рамнодушен.
„Патувај љубов моја, во сонот ти си мојот ангел чувар“, напиша Маја на една фотографија на која нејзиниот сопруг Александар стои покрај водената површина, загледан во брановите и свртен со грбот кон неа.
Принтскрин/ Фејсбук, Маја Р. Крстевска
Покрај овие фотографии Маја сподели и неколку на кои Александар е заедно со Филип Стевановски, уште еден од музичарите од ДНК чиј млад живот згасна во дискотеката во Кочани. Александар и Филип покрај тоа што беа колеги, беа и неразделни пријатели, но и баџанаци бидејќи сестрата на Маја, Ирена Крстевска Стевановска, која исто така е пејачка, беше во брак со Филип.
Принтскрин/ Фејсбук, Маја Р. Крстевска
Маја потоа сподели и една фотографија на која се и останатите членови на ДНК, а пот истата ги напиша следните борови:
„Колку ангели на едно место“, напиша Маја.
И под секоја од овие нејзини објави се редот бројни тажни коментари од нивните блиски и пријатели кои сочувствуваат со Маја.
Принтскрин/ Фејсбук, Маја Р. Крстевска
Така беше и со коментарот што го остави претходната недела, споделувајќи црно-бела фотографија на која е нејзиниот сакан.
„Најчесто недела беше денот за починка. Денот кога сѐ стивнуваше и кога сета топлина беше најсилна. Дури и неделите честопати ти беа работни, па постојано ми недостигаше… Но твојот недостиг боли сѐ повеќе и повеќе. Недела е. Денот на твојот именден. Студено е. Проклето студено. Прослави го именденот таму горе со екипата, а јас овде ќе ја славам твојата празнина и осаменоста. Болиш премногу!#, напиша Маја под црно-белата фотографија на која е Александар.
Принтскрин/ Фејсбук, Маја Р. Крстевска
Потсетуваме, страшната несреќа што се случи на 16 март во Кочани однесе 60 млади животи, а голем број повредени се уште се во болница.
Неколкумина од нив се уште се во критична состојба, а голем дел од овие повредени се наоѓаат на лекување во странство.
Поддржи го Кочани
Од овие причини група млади од Кочани се организираа и преку платформата „Support Kocani“, собираат средства за семејствата на сите што се погодени од траорната несреќа што се случи во нивниот град.
Тие работат транспарентно и парите што се уплаќаат преку нивната платформа одат директно на сметките на семејствата.
Сите оние што се во можност и сакаат да им помогнат на овие семејства, тоа можат да го направат и преку нивната страна „Support Kocani“ (кликни тука), а што вели Иван Ивановски, човекот кој што во моментов ја води иницијативата за собирање средства, погледнете во продолжение…
View this post on Instagram
Хуманоста на граѓаните досега беше на високо ниво и за краток период се собраа значителни суми како преку оваа платформа, така и преку Црвен крст и телефонските броеви за донации, но не смееме да заборавиме дека борбата на овие луѓе ќе биде долга и макотрпна. Па така секоја помош во овие тешки моменти е и повеќе од добредојдена. Донациите, солидарноста и поддршката ќе бидат клучни и во наредните месеци за да им се помогне на настраданите, па затоа секој од нас треба да се вклучи и да помогнеме како тие полесно би се справиле со предизвиците што ги очекуваат, но и би почувствувале дека не се само во овие тешки моменти.
Инстаграм/ Support Kocani
Инстаграм/ Support Kocani
