Патиките што ни беа омилени во младоста и оваа сезона ќе бидат еден од водечките трендови

Нова колекција која настана во соработка со генијалниот Карл Лагерфелд

Култниот бренд Vans оваа есен одлучи да ни подготви вистинско изненадување. Имено, на 7 септември можеме да ја очекуваме нивната ексклузивна колекција која настана во соработка со генијалниот Карл Лагерфелд кој веќе со години не го менува својот препознатлив стил во кој владеат токму црната и белата боја. Малата „capsule“ колекција се состои од 6 модели на култните патики на познатиот бренд, како што се Sk8-Hi и Old Skool а сите модели ќе ја имаат интегрирано буквата К. Во понудата ќе биде и обична маица со слика од Лагерфилд, бомбер јакна и премиум кожен ранец, исто така со буквата К. Цената на парчињата од оваа капсулна колекција се движи од 40 до 300 долари, а премиерно ќе биде преставена на „Bread&Butter trade show- то“ во Берлин на почетокот на септември. Во продажба ќе се најде како во продавниците на Vans, така и вo интернационалните продавници на Kарл Лагерфелд, а за оние кои ги немаат во своја близина (како што сме ние на пример!) парчињата од Vans x Karl Lagerfeld ќе можат да ги најдат, односно порачаат преку интернет продавниците и на двата бренда.

Патики што секоја девојка сака да ги има во своите плакари >>