Паровите кои ја делат својата интима на социјалните мрежи, всушност се несигурни

Заедничките романтични моменти може да значат многу за една врска. Но, споделувањето на истите на социјалните мрежи има свој негативен аспект.

Имено, била спроведена една студија која вклучувала 108 парови која потврдила дека оние кои сакаат секој дел од врската да го споделат на социјалните мрежи, всушност се чувствуваат несигурно во врска со чувствата на партнерот или партнерката. Според спроведениот експеримент и добиените резултати од студијата, оние денови кога испитаниците се чувствувале несигурни, повеќе пишувале на социјалните мрежи за своите врски.

Наведениот заклучок го потврдува и експертот за врски Ники Голдстеин. Таа смета дека луѓето кои ја промовираат својата врска онлајн, честопати се борат со својата несигурност и имаат проблеми со партнерот. Тие всушност бараат „потврда“ за својата врска од страна на другите, преку лајковите или коментарите. Но, не се работи само за несигурност. Други истражувачи исто така откриле дека луѓето кои многу често објавуваат за своите врски на социјалните мрежи, најверојатно се борат со ниска самодоверба.

Секако дека постојат и некои исклучоци, па на крај ќе кажеме дека НАЈВАЖНО Е КАКО ВИЕ СЕ ЧУВСТВУВАТЕ!