Силните жени работат напорно. Постојат денови кога сакаат да останат во кревет до попладне, но не си го дозволуваат тоа. Не ги прекршуваат своите правила и норми.
Силните жени се сакаат себеси. Имаат несигурности, како и сите други, но не дозволуваат тие да им преовладуваат. Иако има моменти кога се со помалку самодоверба, сепак, сметаат дека се убави жени. Жени кои се вредни. Ваквите жени отворено ги изразуваат своите емоции. Сфаќаат дека плачењето, ранливоста и отворањето на срцето бара сила. Иако им е тешко – тие ќе ви ја кажат вистината во секој момент. Тие знаат како зад себе да ги остават лошите моменти и лошите личности. Подобро би биле сами, отколку заробени во односи каде што се несреќни. Тие се грижат за себе и за своето здравје. Се грижат за својот ум, исто како и за своето тело, зашто знаат дека заслужуваат среќа.
Силните жени успеваат да останат такви дури и кога поминуваат низ тешки денови. Постојат денови кога се полни со стрес. Денови кога не се сигурни како ќе преживеат до утрешниот ден. Но, без оглед на тоа, тие се соочуваат со ситуациите и знаат како да преживеат. Тие се доволно силни да поминат и низ најголемиот пекол, па повторно да се воздигнат и одново да земаат здив.
