Овие шест познати жени утре ќе бидат лансирани во вселената – а местото „преку врска“ го доби вереницата на милијардерот
Мисијата ќе биде суборбитална и ќе ги одведе до т.н. Карманова линија – границата меѓу атмосферата и вселената на околу 100 километри над Земјата. По краткиот престој таму, капсулата ќе се врати назад.
Во следната мисија на „Блу Ориџин“, во капсулата нема да се најдат астронаути или инженери – туку шест жени, меѓу кои се вереницата на Џеф Безос, новинарката и филантропка Лорен Санчез, поп-ѕвездата Кејти Пери и телевизиската водителка Гејл Кинг.
Заедно со нив ќе полетаат и активистката Аманда Нгујен, продуцентката Керијан Флин и поранешната НАСА-научничка и претприемачка Ајша Бо.
Мисијата ќе биде суборбитална и ќе ги одведе до т.н. Карманова линија – границата меѓу атмосферата и вселената на околу 100 километри над Земјата. По краткиот престој таму, капсулата ќе се врати назад.
Иако настанот има и научна димензија, медиумите и јавноста најмногу се фокусираа на симболиката на мисијата – оснажување на жените и славење на женската солидарност, но и на гламурот што го придружува целиот процес.
За магазинот „Elle“, членовките на екипажот позираа во елегантни црни костуми, а шминката и стајлингот добија речиси исто толку простор колку и самиот лет.
„Кој не би сакал да изгледа гламурозно пред полетување?“, изјави Лорен Санчез низ шега, а Кејти Пери додаде:
„Вселената конечно ќе стане гламурозна. Ќе објасниме и што е ‘ass’ во зборот ‘астронаут’.“
Повторен предизвик за Мaск
Летот доаѓа во време кога Џеф Безос се обидува да ја врати трката за доминација во вселенската индустрија, во која моментално води Илон Маск со неговата компанија „SpaceX“. Додека ракетните системи „Фалкон 9“ и „Фалкон Хеви“ се лансирани дури 469 пати, „Њу Шепард“ на „Блу Ориџин“ има само 11 мисии со екипаж.
Сепак, преку оваа мисија, компанијата сака да испрати јасна порака – дека сериозно гледа кон иднината на комерцијалните летови во вселената.
Новиот голем ракетен систем „Њу Глен“ треба да овозможи носење на поголеми товари во орбитата, што е еден чекор поблиску до сериозно учество во глобалната трка.
Досега, една од најпознатите личности што летала со „Блу Ориџин“ беше легендарниот актер Вилијам Шатнер, кој во 2022 година, на 90-годишна возраст, стана најстарата личност што отпатувала во вселената.
Но, неговата изјава по враќањето беше неочекувана – „Вселената не ме воодушеви, туку длабоко ме растажи.“
„Кога погледнав кон вселената, видов само смрт. Црнило кое не можеш ни да го замислиш. Тоа беше едно од најинтензивните чувства на тага што сум ги доживеал“, призна тој.
