Панталоните кои ги носевме како клинци ќе бидат во мода оваа пролет

Ова парче на кое му се радувавме како мали повторно се враќа во мода и би можело да биде еден од водечките трендови.

Станува збор за фармерки со трегери кои најмногу ги носевме како деца, додека се игравме во зелените паркови на градинките, а кои оваа сезона се почесто ќе ги гледаме и на улиците. Моделот е совршен за оние кои сакаат да експериментираат со својот стил, а водечките модни блогерки и ИТ девојки веќе ни покажаа милион нови идеи и комбинации.

Посебно се интересни моделите направени од кожа и тексас кои што модно освестените жени веќе добро ги носат на социјалните мрежи.

Па така ова парче кое е на границата меѓу детскиот и лежерниот женствен стил претставува совршен модел со кој би можеле да ги завршите вашите дневни обврски. Во комбинација со обична маица и рамни обувки или патики подготвени сте за викенд со момчето или пријателките, а со романтична блуза дури и за сите деловни предизвици кои се пред вас.

Па, дали би ги носеле?