Овие кујнски трикови ќе направат вашите цвеќиња да растат лудо и да цветаат како никогаш досега – евтини, а неверојатно делуваат
Со овие едноставни, еколошки и ефтини совети, вашата градина може да стане вистински цветен рај. Без потреба од скапи препарати, само со она што инаку би завршило во корпата за отпадоци, ќе добиете цвеќиња кои ќе го привлекуваат вниманието на сите минувачи.
Ако мислевте дека за бујни и раскошни цвеќиња потребни се скапи ѓубрива и хемиски препарати, помислете повторно. Решението можеби веќе го имате во вашата кујна.
Со неколку едноставни намирници кои секојдневно ги користиме или фрламе, можете да ги нахраните цвеќињата и да го поттикнете нивниот раст и цветање како никогаш досега.
Advertisement
Првата тајна состојка се корите од банана
Богати со калиум и фосфор, тие се идеални за стимулирање на цветањето кај рози и други градинарски убавици. Се сечкаат на парчиња и се закопуваат околу коренот на растението, каде што постепено се распаѓаат и ја хранат почвата.
Талог од кафе
Втората, често потценета состојка е талогот од кафе. Тој е одличен извор на азот, а притоа ја подобрува и структурата на земјата. Се користи сув, расфрлан во тенок слој околу растенијата. Освен што храни, го одбива и некои штетници, како мравки и полжави.
Лушпи од јајца
Лушпите од јајца се уште еден богат извор на калциум кој им годи на повеќето цвеќиња. Откако ќе се исушат, се дробат и се посипуваат околу коренот. Освен што го збогатуваат тлото, тие создаваат и бариера против полжавите, кои не сакаат остри рабови.
Вода од сварен зеленчук
Интересна, но ефективна метода е и користењето вода во која сте вареле зеленчук – под услов да не сте ставиле сол. Таа е полна со минерали кои растенијата ги впиваат преку коренот. Откако ќе се излади, се користи за полевање, особено во периодот на интензивен раст.
Млеко
За крај, тука е млекото, но не во чиста форма. Разредено со вода во однос 1:4, се користи еднаш на две недели за наводнување на растенијата. Млекото содржи не само калциум, туку и други хранливи материи кои придонесуваат за поздрав коренов систем и побујно зеленило.
